publicat per lo Conseu Regionau de Provença.
Produccion, distribucion: ARCADE
ai escrich una cançon per lo Corou de Bèrra:
Ai dins lo coar.
Qu’a ren capit e devèn foal
E non renóncia à caminar tot à l’envèrs,
À far plorar e crepar toi.
Una odor mi vèn de moart
E de dolor
E de misèria
En mile guèrras,
En mile paurs.
Tot aqueu fum
Qu’embruma lo matin
E per tant de tristum
La moart es en camin
Que s’en vèn.
Encuèi lo monde va
Tant mau que sabi pas
S’encara un autre siècle aurèm.
E cadun
Regarja en plors
Aqueu futur plen d’amarum,
Lo marrit temps sensa retorn.
Ai dins lo coar un molonàs de vièlhs pantais,
Marrits pantais que son mai foarts
Que lu espèrs que floriràn jamai, jamai,
Perqué la guèrra refà vius
Lu vièlhs crits d’un monde estoart,
Còups de canon,
Neblas d’esglai,
Dau garagalh
Siam au lindau…
Tròup de bosin
Qu’esgarra nuèch e jorn,
La moart au sieu jardin
Rabalha li sieu flors
De torment.
Encuèi lo monde va
Tant mau que sabi pas
S’encara un autre siècle aurèm.
Ma dont van,
Dont van ansin
Lu presidents e sobeirans,
Rufians mesquins e assassins ?