Regardes la vida
Coma un potz sensa fons
Onte negar
Aièr, uèi e deman
Dins un meme desespèr

Negre, negre,
Negre l’orizont
De tei vint ans !

Negre, negre,
Negre l’avenir
De teis espèrs !

Diga-me :
As encara vint ans ?
As encara un espèr ?
N’en siés segur ?

Mai lo sòmi, pecaire !
Lo sòmi !

Duèrbe leis uèlhs
Sobre la flor que naisse

Escota
Lo printemps que canta

Duèrbe lo còr
À l’enfant que juèga
À l’amor que te sòna

Mai la vida, pecaire !
La vida !


Reinat TOSCANO
27.03.2005