Quora serà passida
La flor de la mieu vida
Un darrier còup mi virerai
À regarjar vèrs lu camins
Dont lu mieus pas auràn tant viatjat
Un darrier còup mi virerai
À regarjar vèrs lu matins
Que tant d’amor m’auràn donat.
Bessai auderàs
Sortir de la mieu boca
La cançon doça
D’un coar en patz
La cançon doça
D’un coar en patz.

Alora dins la mar
Escamperai la clau
Dei mieus sovenirs
Sensa regret
E m’en anerai
De l’autre costat
Sensa regret
M’en anerai.

Quora vendrà lo sera,
La fin de la carriera,
Un darrier còup demanderai
Ai mieu passions de revenir
Reviure un pauc, un jorn, un moment,
Un darrier còup demanderai
Ai mieus vint ans de reflorir
Per un instant, per pas longtemps…
Bessai brilherà
Lo fuèc d’una autra estela
Pi la candela
S’amuercerà
Pi la candela
S’amuercerà.


Reinat TOSCANO, lo 15 d’aost dau 2003