TU, MA TÈRRA.

Ma pensada s'escapa e s'enaura
Per planuras, per monts e montanhas,
E m'arriba un perfum de lavanda,
Remembrança polida e tant cara !
Que s'en tòrne la fina e doça aura
M'una tendra lagrema esmoguda !
Tu ma tèrra, tant bèla e perduda,
Per tu canti l'espèr qu'ai encara.
Ja de lònga se tàison lei liras,
Dei trobaires la glòria s'oblida.
Que revengue la flama de vida,
Que lei brancas s'enfuèlhon d'amor !
Ja s'enauça, fedèla, la crida,
Cançon fòrta qu'un pòble s'inventa !
Occitània, ma tèrra dolenta,
Dieu te sache aparar per totjorn!

Musica : Giuseppe VERDI (NABUCCO, Còr deis esclaus)