Republicans de
'51
Vos siatz dreiçats còntra l’Empèri
Avètz cridat còntra un arlèri
Que vos prenié vòstre poder.
Vos siatz rebecats
Còntre l’Emperaire
E lo renegaire,
Vos siatz rebecats
Còntra lo Prince meçorguier.
Èra per la Republica
Qu’avètz donat vòstra vida,
Èra pas per vautres !
Èra per la Republica
Qu’avètz donat vòstra vida,
Èra per nosautres…
Republicans de '51
Vos siatz lançats dins la batalha
Mé lo fusiu ò mé la dalha
Lo païsan s’es fach guerrier.
Vos siatz revoutats
Per gardar beu vis
À vòstre país,
Vos siatz revoutats
Còntra lo Prince meçorguier.
Republicans de '51
Avètz pagat ambé la vida
Per aver fach vòstra chausida
Mé vòstre còr tant drechurier.
Vos siatz enauçats
Per la libertat
Per la dignitat,
Vos siatz enauçats
Còntra lo Prince meçorguier.
Au VAU, lo 17 de març de 2001. |