1) Tornar lièger cen qu'es ja estat redigit. Per aquò faire vos cau telecargar lu fichiers correspondents, sigue letra per letra, sigue lu fichiers AK e LS. Vos cau pi senhalar tot cen que vos sembla erroneu: - una error de picadura (una letra qu'a sautat, una letra redoblada, una majuscula que manca...) - una error ortografica - una definicion que non es clara Enfin, podètz prepauar d'apondons (autri intradas, complements de definicions, variantas e sinonimes)
Remarca importanta: aqueu travalh Reinat MATALÒT l'a ja fach dau començament e fins à una bèla partida dei intradas P-. L'urgent es doncas de pilhar à partir de Q-, ma non empacha de lièger un còup de mai cen qu'es ja estat tractat.
2) Redigir cen que non es encara estat fach. Per aquò faire vos cau telecargar lu fichiers correspondents, letra per letra (es finda possible de mi demandar lu fichiers Word). Vist qu'ai entamenat li intradas T-, son lu fichiers de U- fins à Z-
(per li letras "rari", lo travalh es avançat, qu'an ja fach l'objècte
d'una promiera redaccion). Li a finda la lista dei noms pròpris, que
repilha solament lu noms pròpris presents dins li intradas dei noms
comuns, ma naturalament es possible de n'ajustar, en respectant li
recomandacions dau Diccionari Ortografic de Josiana Ubaud e lu documents seguents:
Los toponims internacionaus (D.SUMIEN)
Internacionaus_pais (InÒc Aquitània)
Internacionaus_vilas (InÒc Aquitània)
Lu fichiers d'intradas comprènon: - una lista d'intradas luènh d'èstre completa (lista de basa facha principalament d'après lu Diccionaris de Castellana) - d'intradas ajustadi perqué correspoàndon à de sinonimes ò à de complements d'intradas precedenti.
Li correccions (format tèxto de preferença, ò eventualament dins lo còrs d'un messatge) dévon èstre mandadi en emplegant l'adreiça:
